Gweminar: A all cymorth blynyddoedd cynnar effeithio ar ofal cymdeithasol plant?

Crynodeb

Mae galw mawr am ofal cymdeithasol plant gan deuluoedd â phlant ifanc: bydd un o bob pum plentyn yn cael eu cyfeirio at wasanaethau gofal cymdeithasol plant cyn pump oed. O ystyried y pwysau hyn, mae’n hanfodol deall a all rhaglenni’r blynyddoedd cynnar leihau’r galw. Bydd yr weminar hon yn cynnwys canfyddiadau o ddwy astudiaeth i fesur effaith gwasanaethau blynyddoedd cynnar sy’n seiliedig ar leoedd ar gyfer teuluoedd plant 0–4 oed sy’n byw mewn ardaloedd difreintiedig yng Nghymru a Gogledd Iwerddon. Gan ddefnyddio data gweinyddol dienw sy’n cwmpasu pob plentyn a aned yng Nghymru a Gogledd Iwerddon, rydyn ni’n ystyried canlyniadau plant a aned mewn ardaloedd a dderbyniodd wasanaethau Dechrau’n Deg neu Gychwyn Cadarn.

Defnyddion nhw’r nodweddion polisi diddorol yn y ddwy raglen i greu grwpiau o ardaloedd difreintiedig union yr un fath — a chafodd rhai ohonyn nhw wasanaethau blynyddoedd cynnar ond nid eraill. Mae hyn yn creu ardaloedd cymharu naturiol ac yn caniatáu inni weld beth yw effeithiau cael eich geni mewn ardal Cychwyn Cadarn neu Ddechrau’n Deg. Mae ein gwaith gyda’n gilydd yn cynnig tystiolaeth gymharol brin ar draws dwy system gyda chyd-destunau a dulliau cenedlaethol gwahanol ar gyfer y blynyddoedd cynnar.

Byddwn ni’n trafod canfyddiadau o’r ddwy astudiaeth ar effaith y polisïau hyn ar ofal cymdeithasol plant ar adeg pan mae systemau gofal cymdeithasol yn wynebu pwysau cynyddol a chyfraddau uchel o ymyrraeth ar gyfer plant dan 5 oed.

Bywgraffiad

Mae Dr Meng Le Zhang yn gymrawd ymchwil ym Mhrifysgol Caerdydd. Mae’n arwain dau werthusiad a ariannwyd gan yr ESRC o Ddechrau’n Deg yng Nghymru a Chychwyn Cadarn yng Ngogledd Iwerddon. Mae’n arbenigo mewn gwerthusiadau gan ddefnyddio dyluniadau lled-arbrofol ac ymyriadau sy’n seiliedig ar leoedd, gyda gwaith blaenorol ar bolisïau sero net, tai a mudo.