Sylwch: Mae’r digwyddiad hwn yn cael ei gynnal yn allanol ac nid trwy Gyfnewidfa Cymru. Mae rhestrau o ddigwyddiadau allanol Teulu a Chymuned yn cael eu postio i hysbysu’r gymuned ehangach am ddigwyddiadau allanol gan gynnwys gweithdai, cyfleoedd i deuluoedd, plant a phobl ifanc, ac adnoddau defnyddiol.
Dydd Mercher 26 Mawrth 2025
3:45 PM – 4:30 PM
Ar-lein
Yn yr oes ddigidol sydd ohoni, mae’r cyfryngau cymdeithasol a chyfathrebu ar-lein wedi’u gwreiddio’n ddwfn ym mywydau plant a phobl ifanc, gan lunio eu rhyngweithiadau, hunaniaethau a phrofiadau emosiynol.
Er bod llawer o ymchwil ynghylch y cyfryngau cymdeithasol a chyfathrebu ar-lein wedi canolbwyntio ar amser sgrin, gellir gorsymleiddio’r dull hwn. Yn aml, mae’n diystyru pethau pwysig, fel gyda phwy mae pobl ifanc yn cyfathrebu a sut mae’r rhyngweithiadau hyn yn berthnasol i’w lles.
Ymunwch â ni ar gyfer y weminar mewnweledol hon AM DDIM, lle byddwn yn edrych ar astudiaeth ymchwil sy’n archwilio sut mae plant a phobl ifanc yn llywio eu ‘byd digidol’. Drwy edrych ar ddata cenedlaethol y Rhwydwaith ar gyfer ysgolion cynradd ac uwchradd, byddwn yn archwilio agweddau allweddol ar ddefnydd o’r cyfryngau cymdeithasol, gan gynnwys gyda phwy mae plant a phobl ifanc yn cysylltu ar-lein, pa mor aml y maent yn rhyngweithio a sut mae’r ffactorau hyn wedi’u cysylltu â’u lles emosiynol.
Mae canfyddiadau’r astudiaeth yn dangos bod effaith cyfathrebu ar-lein ar les yn amrywio yn ôl gyda phwy mae plant yn ymgysylltu. Yn hytrach na chanolbwyntio’n gyfan gwbl ar gyfyngu amser sgrin neu ystyried cyfathrebu ar-lein yn rhywbeth cynhenid negyddol, gall addysg llythrennedd digidol i blant a phobl ifanc gydnabod buddion posibl rhyngweithio ar-lein, yn enwedig gyda chyfeillgarwch presennol.
Nid yw ExChange Wales yn gyfrifol am ddolenni neu adnoddau allanol.
