Y cwricwlwm newydd i Gymru yng nghyd-destun addysg y blynyddoedd cynnar: Cyfleoedd a materion i fynd i’r afael â nhw, y Meysydd Dysgu a Phrofiad, datblygu amgylcheddau ymatebol, cymorth i staff ac arweinyddiaeth, a chodi safonau
Bore dydd Iau, 16 Mehefin 2022
Bydd y gynhadledd hon yn gyfle i drafod gweithredu cwricwlwm newydd y blynyddoedd cynnar yn rhan o’r cwricwlwm newydd i Gymru.
Mae pethau i’w trafod yn cynnwys yr heriau allweddol sy’n gysylltiedig â’r canlynol:
- asesu – sicrhau bod y cwricwlwm yn blaenoriaethu dysgu sy’n canolbwyntio ar y plentyn ac yn asesu ac yn gwerthuso cynnydd dysgwyr
- ansawdd – codi safonau’r ddarpariaeth
- gweithredu – rheoli newid a rôl arweinyddiaeth yng nghyd-destun addysg y blynyddoedd cynnar
- meithrin dealltwriaeth – creu mwy o le ac amser i athrawon ddeall a datblygu’r cwricwlwm newydd yn ystod y cyfnod gweithredu
- hyfforddiant – datblygiad proffesiynol staff a chefnogaeth
- pontio i addysg gynradd – gwella’r cysylltiad rhwng addysg y blynyddoedd cynnar ac addysg gynradd a sicrhau bod dysgwyr yn pontio o dan y cwricwlwm newydd mewn ffordd fwy hwylus
Bydd y gynhadledd hefyd yn gyfle i ystyried y cwricwlwm a’r fframwaith asesu disgwyliedig ar gyfer addysg feithrin nas cynhelir, drwy drafod y canlynol:
- blaenoriaethau – ar gyfer y cyfnod cynllunio a gweithredu
- cymorth – beth arall y gallai lleoliadau blynyddoedd cynnar ei fynnu er mwyn addysgu’r cwricwlwm newydd yn llwyddiannus
- heriau – yr heriau allweddol y mae ymarferwyr y blynyddoedd cynnar yn disgwyl eu hwynebu mewn perthynas â’r Meysydd Dysgu a Phrofiad newydd
Bydd y gynhadledd yn gyfle i randdeiliaid ystyried y materion ochr yn ochr â swyddogion polisi allweddol o Lywodraeth Cymru, y Senedd, Estyn, yr Adran Addysg ac Education Scotland.
