Adolygiadau Ymarfer Plant yng Nghymru – gweithdy ar-lein

Mae’n bleser gan ExChange Wales gyflwyno’r gweithdy ar-lein hwn i chi ar Adolygiadau Ymarfer Plant yng Nghymru, ar ôl i’n gweithdai yng Nghaerdydd a Bae Colwyn gael eu canslo’n gynharach eleni (oherwydd y pandemig). 

Yn y gweithdy 45 munud hwn, bydd Dr Alyson Rees a Dr Tom Slater o Brifysgol Caerdydd yn trafod canfyddiadau dadansoddiad ansoddol ac aml-ddisgyblaethol o 20 o Adolygiadau Ymarfer Plant (Adolygiadau Achos Difrifol gynt) yng Nghymru. Dadansoddwyd yr adolygiadau o dri safbwynt disgyblaethol gwahanol: y gyfraith, troseddeg ac ymarfer (gwaith cymdeithasol).

Mae’r cyflwyniad yn nodi’r themâu trawsbynciol canlynol: (i) hierarchaeth gwybodaeth, lle mae rhai ffynonellau gwybodaeth yn cael eu blaenoriaethu dros rai eraill (ii) rhannu/cofnodi gwybodaeth, lle gwelwyd diffygion o ran rhannu neu gofnodi gwybodaeth (iii) asesiad rhannol, pan nad oedd rhai asesiadau bob amser yn gyfannol, ac yn olaf, (iv) llais y plentyn, pan nad oedd profiad na safbwynt y plentyn yn cael eu hystyried bob amser. Dyma’r astudiaeth gyntaf i ystyried y themâu sy’n dod i’r amlwg mewn Adolygiadau Ymarfer Plant (yng Nghymru) a’r gyntaf i wneud hynny o safbwynt aml-ddisgyblaethol.

Ffocws y gweithdy yw’r goblygiadau o ran ymarfer a pholisi. Rydyn ni wedi cyflwyno fideo’r gweithdy ac amryw o adnoddau sy’n mynd gydag ef fel a ganlyn:

Gwylio’r gweithdy

Gallwch chi ddychwelyd y ffurflen werthuso hon drwy e-bost i cascade@caerdydd.ac.uk