Sylwer: Mae’r adnodd hwn yn cael ei gynnal yn allanol ac nid drwy ExChange Wales. Mae Teulu a Chymuned yn rhestru digwyddiadau allanol er mwyn hysbysu’r gymuned ehangach am ddigwyddiadau allanol, gan gynnwys gweithdai a chyfleoedd i deuluoedd, plant a phobl ifanc. Mae hefyd yn rhannu gwybodaeth am adnoddau defnyddiol.
Mae’r adroddiad dwyieithog hwn, a gyhoeddwyd ym mis Chwefror 2024, yn dadansoddi data amseroedd aros pediatrig yng Nghymru rhwng 2016 a 2023, gan ganolbwyntio ar y flwyddyn ddiwethaf. Mae’r adroddiad yn cynnwys argymhellion ar gyfer Llywodraeth Cymru, Byrddau Iechyd ac Addysg a Gwella Iechyd Cymru. Bydd gweithredu ar yr argymhellion hyn yn helpu’r gweithlu iechyd plant i ddarparu gofal diogel, amserol ac effeithiol.
Mae’r argymhellion yn ymwneud â phedair thema graidd: ehangu a buddsoddi yn y gweithlu iechyd plant, gwella ansawdd a thryloywder data, lleihau anghydraddoldebau iechyd a sicrhau gofal sy’n briodol i oedran.
Mae’r adroddiad hwn yn nodi’r gofynion enfawr ar wasanaethau pediatrig yng Nghymru. Er i ni weld rhywfaint o gynnydd cadarnhaol tua diwedd 2023, mae’r gofynion a’r pwysau presennol ar wasanaethau’n anghynaliadwy. Rydym wedi gwneud cyfres o argymhellion i roi sylw i’r gofynion presennol ond hefyd leihau gofynion yn y dyfodol.
Dr Nick Wilkinson, Swyddog Cymru
Rhagor o wybodaeth yma
